کراچی؛ سرجانی ٹاؤن میں ریسٹورنٹ پر ڈاکؤوں نے دھاوا بول دیا، واردات کی سی سی ٹی وی فوٹیج سامنے آگئی

 سرجانی ٹاؤن میں فاسٹ فوڈ ریسٹورنٹ پرڈاکؤوں نے دھاوا بول دیا واردات کی سی سی ٹی وی فوٹیج سامنے آگئی۔

تفصیلات کے مطابق اتوار کی شب سرجانی ٹاؤن میں فاسٹ فوڈ ریسٹورنٹ  پر ڈاکؤوں نے دھاوا بول دیا جس کے بعد واردات کی سی سی ٹی وی فوٹیج سامنے آگئی جس میں دکھا جا سکتا ہے کہ ڈاکؤوں نے شہری پر تشدد بھی کیا ڈاکو واردات کی غرض سے کاؤنٹر کی جانب بڑھا تو شہری کاؤنٹر کی جانب جھک گیا شہری کے انداز سے ڈاکو خوفزدہ ہو کر بھاگ کھڑا ہوا جبکہ ڈاکو کا دوسرا ساتھی آگے بڑھا اور کاؤنٹر پر موجود شخص کو تھپڑ مارا جس پر دیگر ملزم بھی آئے اور اسلحہ لہراتے ہوئے دکان میں داخل ہوگئے، ملزمان نے اطراف میں موجود شہریوں کو بھی لوٹا اور فرار ہوگئے۔

سرجانی ٹاؤں پولیس کا کہنا ہےکہ متاثرین میں سے کسی شخص نے واردات سے متعلق پولیس اسٹیشن میں رپورٹ درج نہیں کرائی پولیس نے حاصل ہونے والی فوٹیج کی مدد سے ملزمان کی تلاش شروع کر دی ہے۔