کراچی:
عالمی سطح پر نرخ گرنے کے بعد ملکی سطح پر بھی سونے کی قیمت میں بڑی گراوٹ دیکھی گئی، اور فی تولہ سونا پونے تین لاکھ روپے سے نیچے آگیا۔
بین الاقوامی بلین مارکیٹ میں فی اونس سونے کی قیمت 21 ڈالر کی کمی سے 2637 ڈالر کی سطح پر آنے کے باعث مقامی صرافہ مارکیٹوں میں بھی اس کے اثرات نظر آئے۔
منگل کو 24 قیراط کے حامل فی تولہ سونے کی قیمت 2100 روپے کی کمی سے 274900 روپے اور فی دس گرام سونے کی قیمت بھی 1800روپے کی کمی سے 235682روپے کی سطح پر آگئی۔
اس کے برعکس فی تولہ چاندی کی قیمت بغیر کسی تبدیلی کے 3400روپے اور10گرام چاندی کی قیمت بھی بغیر کسی تبدیلی کے 2914.95روپے کی سطح پر مستحکم رہی۔
